Sodhino Mashalaqqenna Piroppogaandinni Kalqoomu Daga Illacha Goshooshate Assinanni Sharrora Bayicho Uytannokkita Mootimma Egensiissu

Addis Abeba:- Sodhino mashalaqqenna duduwinni kalqoomu daga illacha goshooshate assinanni sharro bayicho diafidhino yitinno mootimma fishshitino xawishshinni.

Mootimmate xaadooshshi owaante fushshitino xawishshinni, cancishaano HWHT gaamo ayimma kalqete daga huwattanni dagginotanna so’rote duduwinni afidhino irkono qiidase harunsite kalqoomu daga wodana hidhineemmo yite qafadantinori tidhama illacha assi’rate wo’naaltanni afantannota xawissino.

Ledoteno mootimma hajo laisse assitanni noo buuxonni; cancishaano gaamonni qafadantinoreeti yine fushshinoonniri batinyootu qansooti gargarooshshu olanto Tigrayete qoqqowinni fultu yannara gaamotenni amadante gattino olantote maate miilla ikkansa buunxoonnitano egensiissino.

Tenne hunaano gaamo kaa’lamaano ikkitinorinna babbaxxitino qarqartora millissannori Shenenna wolootuno giwaano gaamo konni piroppogaandi kaa’lamaano ikkansaati owaante ledde egensiissinohu.

Wo’manti dagano konni alba cancishaano gaamonni dudumbanni kaphu duduwi illachanna HWHT hunote sokko qaagatenni xaano fincitanno duduwi hunote sokko gumulsiisate horonsidhannoha ikkasi huwata hasiissannonsa yitinno.

Xawishshu garinni; cancishaano HWHT halaalaancho ayimmansa kalqete daga buuxxanni dagginotanna kaphu duduwinni afidhino irkono qiiddanni daase harunsite  kalqoomu daga wodana goshoonsheemmo yitinnota qafadamaanote tidhama illacha assai’rate wo’naaltanni no.

Horrate, hunotenna gobba diigate ayimmansa maaxatenna keere hasidhannore labbe shiqate assitanno wo’naalshihu mittu illachi konne qafadamaano tirrummo yaanno sorote duduwooti.

Cancishaano gaamo kalqoomu daga hembeelsate konni alba kaphu mashalaqqe qineessatenna halamaano wolqa dirtanni sharrensa biso assitanni keeshshitinoti qaangannite.

HWHT Amaarunna affaarete qooxeessubba wolqatenni amadde keeshshitino yannara gadachite amadde mannoomitte xiiwanno assoote iillishshanni keeshshitino mannootanna uminsara sorote duduwira hosiisirate qafadamaanote yite gobba giddonna kalqoomu daga raaqate wo’naaltanni no.

Mootimma hajo laisse assitanni noo buuxonni ; cancishaano gaamonni qafadantinoreeti yine fushshinoonni qansooti roore anga gargarooshshu olanto Tigrayete qoqqowinni fultu yannara gaamotenni amadante gattino olantote maate miilla ikkansa buunxoonni.

Wole widoonni addi addi gobbate qooxeessubbanni loosoho Tigrayete qoqqowira heedhanno teesaano amadde keeshshitinori hunaano gaamo; xa poletiku tirfe afi’neemmo yitino piropogaandinni gargarooshshunna babbaxxitino adawu wolqa badooshshu uddano uddisiisse qafadamaanote yite fushshite dirtino.

HWHT gaamo tenne lamala giddo olaho fulle yite lallabbanninna faajjete qixxeessitanni noota egensiisansa harunsite noonsata giggilo sinqe olaho doyissatenna galagalte wole hunora umonsa qixxeessitanni afamansa xaa assootinsara ikkado xawishshaati.

Tenne gaamo halamaano ikkitinorinna babbaxxitno qooxeessira millissannori Shenenna wolootu giwaano gaamo konni piropogaandi kaa’lamaanooti. HWHT gaamo kuri hunote gaamo miilla filatenninna gamba assatenni Shene cancishaano gaamo ledo mittimmatenni qajeelsitanni keeshshitinore luuxxe e’ino wolquwa qafadamaanote su’minni tantante hunote sokkonsa gumulatenna mashalaqqete bue assi’rate millissanni afantannota mootimmate widoonni assinoonni harunsonni buunxoonni.

Wo’manti dagano konni alba gaamotenni dudumbannire kaphu duduwo illachanna HWHT hunote sokko qaagatenni xaano fincitanno duduwi hunaanote sokko gumulsate horonsidhannore ikkansa huwata hasiissanno.

Qiddist Gezaheny

Bakkalcho   Onkoleessa 18, 2014 M.D

Recommended For You