-Hawaasi quchumira moola ishine tunganni base latisate 47 miliyoone birrinni pirojekte hananfoonni
Addis Ababa:- Sidaamu dagoomu qoqqowi Jireenyu paarte borro mini sooreessinni massagantino gaamo qoqqowoho afantannota investimeentete latishshuwa millimmonna safote latishshuwa be’ro towaanyo assitino.
Towaanyotennino investimeentete safote latishshuwa giddonni mitto ikkinoha Yirgaalamete qinaawino giwirinnu industire la’noonniha ikkanna; paarkete giddo afantannore laashshaano industirrano laashshitanni noo deerranna xaphooma loosu millimillo la’noonni.
Yirgaalamete qinaawino giwirinnu indistire paarke harancho yanna giddo handaarunni leellishshanni noo gumi jawaachishannoha ikkasino towaanyote yannara xawinsoonnita investimeentete komishiinenni afi’noonni mashalaqqe leellishshanno.
Amadisiisantino Odoonni Hawaasi quchumira moola ishine tunganni base latisate 47 miliyoone birrinni pirojekite hananfoonni
Jaapaanete mootimmanni afi’noonnihu 45 miliyoone birri irkonni Hawaasi quchumira moola ishine tunganni base latisate pirojekite hananfoonni.
Hawaasi quchumira hananfoonnita moola ishine tunganni base latisate pirojekite loosi hanafo lainohunni Quchumu kantiiwi kaa’laanchu pirofeeserichi Tseggaye Tukehu xawisino garinni; quchumunni kayinsoonniha moola ishine tunganni bayicho paarkete widira soorrate tini pirojekite jawa qeecha afidhino yiino.
Ishine jirote widira soorrine horoonsi’rateno kayinsanniwiinni hanafe massine tunganni baychi geeshsha qorophotenni amada hasiissanno yiino; kantiiwu.
Quchumaho yannaasincho ikkinohu ishine garunni tunganniwi nookkihura seeda yannara dagate xa’mo ikke keeshshinotano coyi’rinohu kantiiwu; albillichono quchumu gashshooti ishine tunganniwa sufino garinni qixxeessanno; pirojekiteno quchumu pilaane massagganno garinni loosu aana hossannota qummeessino.
Tenne pirojekitenni loonsannihu moolano ikko du’namaancho ishine garunni kaynseenna shiima yanna giddo ishinu bushshunna kompostete widira soorramannonna foolu hee’rannokki gede assannoho yinoonni.
Tini pirojekite Addis Ababunna Bahir Daarete quchummanni aante Hawaasi quchumira 3kita ikkitinotano buuxinsoonni.
Gaazeexu Odeessaanchinni
Bakkalcho Onkoleessa 18, 2014 M.D
