Fooqa 1: sa’’ate barra
Fooqa 2: haaroo’mate barra
Fooqa 3: bayirreenyu barra
Fooqa 4: mittimmate barra
Fooqa 5: ga’a barra
Addis Ababa:- 2016 M.D Fooqu agani Ontenta barrubba gobboomu deerrinni babbaxxino s u’minni ayirrisate balaxote qixxaawo assinoonnita mootimmate xaadoosshi owaante ministr dieeti Kebbede Desiisahu egensiisino.
Minister dieetichu kalaa Kebbede Desiisahu uyino xawishshinni; ontenti fooqu barrubba mittimma bowirsitanno danchummate loossanni sayisate mixi’noonnita xawisino.
Fooqa 1, sa’u soorrote dirranni afi’noonni gumma haaroo’mate kofatto, arri girsu qamade latishshi, Itophiyu laashshonanna woloottu millimillonni afi’noonni gumma leellishanno garinni ayirrinsanniha ikkanna Fooqa 2 gobbate hananfoonni uurrinshu gatamarshinna haaroo’mate loossa kaajjishe sufisiisanno garinni ayirrinsanni yino.
Fooqa 3 kayinni gobbaye bayirreenya ayirrisiissara dandiitanno loossanni ayirrinsanniha ikkanna baalanta dagoomu bissa beeqqisiisannoha gobbate baandeera sutate qixxaawo gumullannita xawisino.
Fooqa 4 dagoomu afuunni, garetenna amma’notenni babbaxxikkinni mittimmate balchoomma bowirsatenni ayirrinsannita coyi’rino.
Fooqa 5 ga’a ilama hedote giddo wortino loossa kaajjite suffanno gedenna dagoomu umisi irko assanno gede qummeessitanno qixxaawonni ayirrinsanni yino.
Ontenti barrubba baalante qoqqowubbaranna quchumu gashshoottara, federaalete uurrinshuwara, gobbayidi gobbuwara heedhanno gobbate qonsilu borro minnaranna dagoomunniwa iibbadunni ayirrisantannota xawisino.
Sa’u soorrote dirra giddo fooqu barrubba qansootu mittimma bowirsanno garinni addi addi qixxaawonni iibbadunni ayirrisantinoti qaangannite.
Qiddist Gezzaheny
Bakkalcho Woxawaajje 30, 2016 M.D
